Manchester United hidhet sërish në sulm për të blerë Neymar.
Sipas Daily Star, “Djajtë e kuq” janë gati të bëjnë gjithçka munden për t’i rrëmbyer Barcelonës sulmuesin 25-vjeçar, e për të plotësuar dëshirën e trajnerit Jose Mourinho.
Gjithnjë sipas Daily Star, Manchester United ka arritur deri aty sa të shprehë gatishmërinë e tij për të paguar klauzolën e zgjidhjes së kontratës së Neymarit me klubin katalanas, prej plot 190 milionë eurosh.
Megjithatë, për Manchester United nuk do të jetë aspak e lehtë për të sjellë në “Old Trafford” brazilianin, kjo edhe për shkak të vet futbollistit.
Braziliani, i cili u transferua te Barcelona verën e vitit 2013, rinovoi me klubin spanjoll deri në vitin 2021 dhe duket se nuk ka aspak ndërmend të largohet nga nënkampionët e Spanjës.
Ndërkohë, një tjetër problem për Manchester United është ai i blerjes së Alvaro Moratas.
U duk se sulmuesi ishte shumë pranë transferimit në “Old Trafford”, por sipas “The Sun” blerja e tij nga “djajtë e kuq” është frenuar, për shkak të pretendimeve të Real Madridit, që kërkon 80 milionë funte për shitjen e tij.