Klubi anglez, Manchester Unitedi po monitoron situatën e sulmuesit Mauro Icardi te Paris Saint-Germain.
Sulmuesi argjentinas pritet të largohet nga PSG këtë muaj dhe ka qenë i lidhur shumë me një rikthim në Serie A, por kësaj radhe te Juventusi.
Megjithatë, sipas gazetës L’Equipe, Unitedi po vëzhgon gjithashtu zhvillimet pasi ata përballen me perspektivën e humbjes së dy lojtarëve sulmues të mundshëm gjatë afatit kalimtar të dimrit.
Me Edinson Cavanin dhe Anthony Martial të pavendosur, Unitedi ka plane të paparashikuara në rast se të dy largohen dhe Icardi shfaqet në listën e tyre të ngushtë të dëshirave.
Icardi e ka gjetur veten si zgjedhje e fundit te PSG që nga ardhja e Lionel Messit dhe është i etur për të gjetur një klub të ri ku mund të luaj rregullisht.
Çmimi i argjentinasit vlerësohet të jetë rreth 40 milionë euro, por francezët do të ishin të gatshëm të lejonin largimin e tij edhe në huazim me obligim blerje. /Telegrafi/