Mesfushori i Liverpoolit, Alex Oxlade-Chamberlain po lidhet me një lëvizje befasuese te Manchester United këtë verë.
Reprezentuesi anglez është vënë në shitje nga Liverpooli këtë verë, pasi nuk cilësohet si lojtar i rëndësishëm për skuadrën nga Anfield.
Megjithatë, klubet e interesuara për Ox-Chamberlain nuk mungojnë dhe ato vijnë nga Liga Premier.
Sipas Alex Crook të TalkSPORT, Unitedi do të ishte ‘seriozisht i interesuar’ për një transferim të anglezit në Old Trafford.
Man Utd 'seriously interested' in signing Alex Oxlade-Chamberlain from arch-rivals Liverpoolhttps://t.co/2ExhRyjwmM pic.twitter.com/ABCKnNuE4p
— Mirror Football (@MirrorFootball) June 9, 2022
Por, Djajtë e Kuq do të transferonin ish-yllin e Arsenalit vetëm nëse Liverpooli do të pranonte një tarifë prej 10 milionë funtesh.
Ekipi i Erik ten Hag ka nevojë për përforcime në mesfushës pas largimeve të shumta të emrave si Paul Pogba, Jesse Lingard, Juan Mata dhe Nemanja Matic.
Mediat tjera angleze raportojnë se West Ham dhe Aston Villa do të ishin të etur për nënshkrimin e Oxlade-Chamberlain, i cili bëri 29 paraqitje në të gjitha garat sezonin e fundit. /Telegrafi/