Trajneri i ardhshëm i Manchester Unitedit, Erik ten Hag mbetet shumë i interesuar për mesfushorin e Barcelonës, Frenkie de Jong dhe tashmë ka një ide mes drejtuesve për transferimin e holandezit.
Ten Hag ka punuar me mesfushorin e Barcelonës gjatë kohës së këtij të fundit tek Ajaxi.
Loja e tij i pëlqen shumë trajnerit të ardhshëm të Unitedit dhe ten Hag e do atë në Old Trafford për sezonin e ri.
Sipas gazetarit spanjoll Gerard Romero, Ten Hag është një tifoz i madh i 24-vjeçarit dhe është i etur për t’u ribashkuar me të në Old Trafford.
Romero ka sugjeruar gjithashtu që Barcelona pret që t’i ofrohen tre lojtarë në këmbim të mesfushorit, përfshirë mbrojtësin Harry Maguire.
Kapiteni i Unitedit është kritikuar shumë për paraqitjet e tij këtë sezon dhe largimi i tij do të ishte lehtë i realizueshëm.
Në anën tjetër, De Jong shkëlqeu nën drejtimin e Ten Hag te Ajaxi përpara se të kalonte te Barcelona për një tarifë rreth 80 milionë euro në vitin 2019. /Telegrafi/
Maguire is one of three players who could be used in a swap deal for Frenkie De Jonghttps://t.co/tjM8og2Ms9
— SportsJOE (@SportsJOEdotie) April 30, 2022
Barcelona ‘believe Man Utd could offer up THREE players to land De Jong with Ten Hag a huge fan’https://t.co/MWaDL20dqB
— The Sun Football ⚽ (@TheSunFootball) April 30, 2022