Këngëtarja e njohur Big Mama është pranë publikut shqiptar çdo të dielë, përmes emisionit të saj “Mama’s trip”.
Risi në emisionin e saj këtë vit kanë qenë vizitat nëpër qytete të ndryshme të Kosovës, gjersa destinacioni i radhës për emisionin e ri të këngëtares ka qenë qyteti i Pejës.
Në YouTube është publikuar promoja e emisionit, i cili do të transmeohet të dielën, teksa përmes imazheve shihen “çmenduritë” i Bigit që ka bërë përgjatë këtij qyteti.
Ajo kishte vendosur të vizitojë qendrën, më pas Rugovën, gjersa më vonë ka shkuar edhe në qendrën e ushtrimeve të xhudos.
Atje Big Mama është takuar me sportisten e njohur Majlinda Kelmendin, me të cilën ka realizuar edhe një intervistë.
Në një nga momentet Big Mama ka provuar të ndeshet me xhudisten e njohur, gjersa kjo e fundit e ka rrëzuar për tokë brenda dy sekondave. Për më shumë mund të ndiqni videon në sekondën e 53-të. /Telegrafi/
