Milani e ka transferuar Antonio Miranten si transfer të lirë, pas njoftimeve se Mike Maignan do të mungojë së paku 10 javë si pasojë e ndërhyrjes kirurgjike në nyjën e dorës.
Pas dhimbjes së vazhdueshme nga një lëndim që e kishte pësuar në muajin e kaluar në Ligën e Kampionëve, francezi u detyrua të operohej.
Kështu që do të mungojë afro dy muaj e gjysmë dhe në nuk mund të luajë në dhjetëra ndeshje në të gjitha garat për Rossonerët.
Official Statement: Mike Maignan ➡ https://t.co/g7odpxiwsp
Comunicato Ufficiale: Mike Maignan ➡ https://t.co/vaxJ5buhhm#SempreMilan pic.twitter.com/LBd5sigVZB
— AC Milan (@acmilan) October 13, 2021
Mungesa e tij dhe lëndimi i portierit të tretë, Alessandro Plizzari (i cili nuk luan deri na janar për shkak të problemit me gjurin), Milani e ka transferuar Miranten.
38-vjeçari iu është nënshtruar ekzaminimeve mjekësore gjatë ditës së sotme (e mërkurë) dhe ka nënshkruar kontratë deri në qershor të vitit 2022, me opsionin për ta vazhduar edhe për një vit tjetër.
Ciprian Tatarusanu është portieri i dytë i Rossonerëve dhe pritet që të mbrojë në ndeshjen e fundjavës ndaj Hellas Veronas, ku do të mungojë edhe Theo Hernandez për shkak të infeksionit me COVID-19. /Telegrafi/
