Presidenti francez, Emmanuel Macron njoftoi se një konferencë humanitare për luftën midis Izraelit dhe Hamasit do të mbahet në Paris më 9 nëntor.
Ai përsëriti thirrjet për një armëpushim në ofensivën e Izraelit në Rripin e Gazës për të mbrojtur civilët.
“Ne bëjmë thirrje për një armëpushim sepse lufta kundër terrorizmit nuk justifikon sakrifikimin e civilëve”, tha lideri francez.
Forcat izraelite bombarduan gjithashtu zyrën e Agence France-Presse në Gaza, duke shkaktuar dëme të konsiderueshme në ndërtesë, por pa viktima në mesin e stafit të AFP, të cilët u evakuuan në jug të Gazës.
Rripi i Gazës i kontrolluar nga Hamasi, shtëpia e 2.3 milionë njerëzve, ka qenë nën një rrethim total nga Izraeli për gati katër javë, duke kufizuar të gjithë qasjen në ushqim, ujë dhe karburant si hakmarrje për sulmet e papritura të Hamasit në tokën izraelite më 7 tetor, në të cilin më shumë se 1400 njerëz vdiqën.
Sipas autoriteteve shëndetësore të kontrolluara nga Hamasi në Gaza, më shumë se 9200 palestinezë janë vrarë në ofensivën tokësore dhe ajrore izraelite, e cila ka dërguar në një rrethim të qytetit të Gazës që nga mbrëmja e së enjtes.
Ndryshe, Sekretari amerikan i Shtetit, Antony Blinken do të takohet sot me liderët e disa vendeve arabe për të diskutuar rreth një armëpushimi në Gaza. /Telegrafi/