Transferimi i fundit i Liverpoolit, Alexis Mac Allister, ka zbuluar se sa shpejt u bind për të nënshkruar për klubin nga Anfield.
Reds siguruan firmën e fituesit të Kupës së Botës “Katar 2022”, mesfushorit argjentinas nga Brighton.
Ndërsa Mac Allister ishte mirënjohës për Brighton dhe se si e sollën atë në Ligën Premier, ai pranoi se trajneri i Liverpoolit, Jurgen Klopp ishte shumë i madh për ta refuzuar.
“Kam pasur mundësinë të flas me të dhe ishte një nga faktorët më të rëndësishëm në marrjen e vendimit kaq herët në treg”, ka thënë fillimisht Mac Allister për Liverpool Echo.
“E pashë dëshirën për të nënshkruar me mua, kështu që për mua ishte shumë e rëndësishme. Ne folëm për futbollin, si e sheh ai dhe dëshirën që klubi të vazhdojë të rritet dhe të fitojë tituj”.
“Të shkosh në një nga klubet më të mëdha në botë dhe në më të madhin në Angli është një gëzim dhe ëndërr e madhe. Dua ta shfrytëzoj sa më shumë këtë mundësi, pasi vjen në një moment shumë të mirë në karrierën time”.
“Unë me të vërtetë dua të filloj me shokët e mi të ri të skuadrës dhe trajnerin tim të ri, të njihemi me njëri-tjetrin dhe të stërvitemi në mënyrën më të mirë për të ndihmuar që të jetë një sezon i mirë”, përfundoi argjentinasi. /Telegrafi/