Lëvizja Vetëvendosje ka akuzuar sërish Qeverinë Hoti, duke thënë se kjo qeverisje është e varur nga Lista Serbe.
LVV përmes një fotomontazhe e ka paraqitur kryeministrin Avdullah Hoti duke bërë lëvizjet ashtu siç dëshiron presidenti serb, Aleksandar Vuçiq ndërsa pas tij është presidenti i Rusisë, Vladimir Putin.
“Kjo qeveri ilegale filloi ashtu siç deshi Serbia, me kushtet e saj. Ju kërkua heqja reciprocitetit, qeveria koti e realizoi. Ju kërkua ndalimi i anëtarësimeve në organizmat ndërkombëtar, edhe ajo u realizua. Kjo qeverisje është tmerrësisht e varur nga Lista serbe teksa pranon urdhrat e Serbisë”, thuhet në reagim.
Më tej, LVV thekson se Kosova është dhe duhet të sillet si Republikë dhe si shtet i barabartë me vendet e tjera. /Telegrafi/
