Ylli i Belgjikës, Romelu Lukaku nuk do të luajë nesër (e diel) kundër Italisë në kuadër të Ligës së Kombeve.
Sipas Sky Sport Italia, ish-sulmuesi i Interit, i cili u transferua në Chelsea këtë verë për 115 milionë euro, është larguar nga skuadra e Belgjikës përpara ndeshjes së nesërme me Italinë.
Italia dhe Belgjika luajnë për vendin e tretë në Ligën e Kombeve të dielën, pasi të dy skuadrat humbën gjysmëfinalet e kësaj gare në fillim të kësaj jave.
ULTIM’ORA NATIONS LEAGUE
BELGIO, LUKAKU OUT: IL GIOCATORE HA LASCIATO IL RITIRO
L’attaccante non giocherà domani contro l’Italia#SkySport #NationsLeague #Belgio #ItaliaBelgio #RomeluLukaku #Lukaku— skysport (@SkySport) October 9, 2021
Seria e Italisë prej 37 ndeshjeve pa humbje u ndal nga Spanja në një humbje 2-1 në San Siro, ndërsa Belgjika u mposht 3-2 nga Franca, edhe përkundër se ishte duke udhëhequr 2-0.
Mediumi italian ka zbuluar se sulmuesi 28-vjeçar është larguar nga Belgjika sot dhe do të humbasë ndeshjen kundër Azzurrëve.
Lukaku, i cili ka luajtur 101 herë me Belgjikën dhe ka shënuar 68 herë për ekipin kombëtar është i pasigurt nëse do të jetë në dispozicion për Chelsean në ndeshjen e ardhshme kundër Brentford më 16 tetor. /Telegrafi/