Sulmuesi i Interit, Romelu Lukaku është i kënaqur me pritjen që iu bë nga tifozët këtë verë.
Belgu u kthye në “Giusseppe Meazza” në formë huazimi nga Chelsea, megjithëse sezoni i tij është dëmtuar nga lëndimet.
“Tifozët e Interit janë vërtet tifozë të veçantë, më të mirët që kam parë në botë. Ata janë gjithmonë aty për të ndihmuar ekipin edhe në momente të vështira”, deklaroi Lukaku.
“Isha i befasuar, mendova se ata ishin akoma të zemëruar, por mendoj se shumë njerëz e dinë se Interin e kam pasur gjithmonë në zemër, edhe pse u largova”.
“Kam folur me bashkëlojtarët dhe klubin, duke u shpjeguar arsyet pse u largova. U ktheva dhe dua të qëndroj edhe në të ardhmen, kjo do të thotë se për mua Interi është gjithçka”.
“Këtë e dinë të gjithë. Tani skuadra dhe unë duhet ta udhëheqim klubin drejt suksesit dhe më pas do të flasim”, ka shtuar ai. /Telegrafi/