Komandanti i forcave tokësore të Ukrainës ka vizituar trupat e vijës së parë në Bakhmut pasi ato i kanë shtyrë me sukses forcat ruse.
Duke iu referuar grupit paraushtarak Wagner, Oleksandr Syrskyi tha se “Wagenerivets” u gjenden në qytetin lindor si “minjtë në një kurth miu”.
“Armiku ka më shumë burime, por ne i shkatërrojmë planet e tij”, ka thënë ai në një postim në Telegram, përcjell Telegrafi.
Ai shtoi se trupat ukrainase po përdorin veprime kundërofensive në drejtime të ndryshme rreth qytetit.
Gjatë udhëtimit të tij, ai ndau edhe dekorata për ushtarët dhe u dha atyre dhurata.
Udhëtimi i vjen në ditën kur Kievi u godit nga një sulm i dendur “i jashtëzakonshëm” rus.
Por Forcat Ajrore të Ukrainës kanë thënë se kanë shkatërruar 18 raketa të lëshuara nga Rusia në vend gjatë natës.
Ukraina gjithashtu ka bërë të ditur se shkatërroi dronët e lëshuar nga Rusia.
Ndërkohë, korrespondenti i Sky News, Alex Rossi, i cili ka arritur të futet thellë në qytetin ukrainas Bakhmut në lindje të vendit, ka sjellë detaje nga atje ku po zhvillohet beteja më e përgjakshme e luftës në Ukrainë.
Sky News correspondent @alexrossiSKY reports from Bakhmut where he finds Ukrainian optimism and signs of Russian disarray as the fight for Ukraine's eastern city rages
Read more: https://t.co/oQmJhFVLDx pic.twitter.com/2298Iq9Z4Y
— Sky News (@SkyNews) May 15, 2023
Gjatë rrugëtimit të tij drejt këtij qyteti, ai ishte i shoqëruar nga ushtarët ukrainas dhe vazhdimisht dëgjoheshin predhat dhe plumbat e kalibrit të ndryshëm që shkrepeshin.
Ai madje u fut në zyrat e shtabit nga ku ndoqi pamjet e dronit, që tregonin shkallën e shkatërrimit të këtij qyteti që prej më shumë se dhjetë muaj, rusët po tentojnë ta marrin nën kontroll. /Telegrafi/