Një nga sulmuesit më të mirë të ditës së sotme, Harry Kane, është në prag të një transferimi te Bayern Munich, ndonëse edhe Barcelona i është bashkuar luftës për ta sjellë anglezin.
Meqenëse golashënuesi më i mirë në histori i Anglisë dhe Tottenhamit ka vetëm një vit të mbetur nga kontrata e tij me klubin londinez, këtë verë ka një interes të madh nga klubet më të mëdha të botës.
Fillimisht Real Madridi zhvilloi bisedimet paraprake, por më pas hoqi dorë, pas së cilës Bayern Munich u tregua më serioz dhe dërgoi dy oferta zyrtare 70 dhe 80 milionë euro, të cilat fillimisht u refuzuan.
Edicioni i sotëm i njohur The Athletic raporton se Barcelona ka vendosur t’i bashkohet luftës për nënshkrimin e Kane, por duke qenë se ka probleme financiare, dëshiron ta sjellë anglezin vetëm pas një viti, kur i skadon edhe pjesa e mbetur e kontratës me Tottenhamin. Po kërkesa e Barcelonës është e vonshme.
Gazetari Gary Jacob ka raportuar ekskluzivisht se Harry Kane refuzoi të zgjaste kontratën e tij me Tottenhamin, gjithçka për të nënshkruar për Bayernin këtë verë.
Harry Kane won’t sign new Tottenham deal and keen on Bayern https://t.co/yXY51vZ8B4
— Gary Jacob (@garyjacob) July 20, 2023
Drejtuesit e Bayernit kanë qenë tashmë në Londër ditët e fundit dhe kanë zhvilluar bisedime me pronarin e Tottenhamit, Daniel Levy.
Jacob raporton se ylli i Spurs e do vetëm Bayernin dhe oferta tjetër zyrtare mund të pranohet. /Telegrafi/