Ukraina nuk ka asnjë shans për të fituar luftën kundër Rusisë – dhe Donald Trump është shpresa e vetme e Perëndimit.
Kështu është mendimi i kryeministrit hungarez Viktor Orbán, në një intervistë për prezantuesin kontrovers amerikan Tucker Carlson, shkruajnë mediat e huaja, përcjell Telegrafi.
Në një intervistë të martën, Orbán tha se fitorja e Kievit kundër Moskës “nuk është thjesht një keqkuptim. Është një gënjeshtër. Është e pamundur… [ukrainasit] do të mbarojnë më herët … ushtarë se sa rusët. Ajo që më në fund do të ketë rëndësi janë ‘ushtarët që shkelin në tokë’ dhe rusët janë shumë më të fortë”.
Dhe vetëm SHBA mund t’i japë fund luftës, shtoi lideri hungarez.
Ai gjithashtu nuk beson se rusët do të lodhen me presidentin Vladimir Putin dhe sheh pak shanse që Krimea t’i kthehet Ukrainës.
I pyetur se çfarë do të bënte nëse do të ishte presidenti i SHBA-së Joe Biden, Orban tha: “Thirreni përsëri (Donald) Trump! Sepse ju e dini, ju mund ta kritikoni atë për shumë arsye … por … politika e jashtme më e mirë e disa dekadave të fundit i përket atij. Ai nuk filloi ndonjë luftë të re, ai i trajtoi mirë koreano-veriorët, dhe Rusinë dhe madje edhe kinezët… dhe nëse do të kishte qenë president në momentin e pushtimit rus [të Ukrainës], nuk do të ishte e mundur ta bënin këtë rusët”.
Andaj, sipas tij, “Trump është njeriu që mund të shpëtojë botën perëndimore” dhe gjithë njerëzimin. /Telegrafi/