Sulmuesi i Chelseat, Romelu Lukaku humbi një mundësi të artë për të shënuar në gjysmëfinalen e Kupës FA të së dielës kundër Crystal Palace, duke goditur disi shtyllën vetëm disa metra larg.
Belgu ka shfaqur një sezon të vështirë që kur iu bashkua skuadrës londineze në një transferim rekord prej 115 milionë eurosh nga Interi verën e kaluar.
Reprezentuesi belg ka shënuar vetëm pesë gola në Ligën Premier dhe u detyrua të kënaqet me një vend në stol kundër Palacse, me Kai Havertz, Timo Werner dhe Mason Mount të preferuar në sulm nga trajneri i Chelseat, Thomas Tuchel.
Pas një pjese të parë pa gola, Ruben Loftus-Cheek i dha Chelseat epërsinë në mes të pjesës së dytë përpara se Mount të bënte 2-0 me 15 minuta të mbetura.
Lukaku u fut në lojë pas golit të dytë dhe do të humbiste një mundësi të artë për të vendosur qershinë mbi tortë për Chelsean.
Werner dhuroi një asistim për Lukakun në zonën e Palaces në minutën e fundit të kohës së rregullt, por ky i fundit nuk ia doli ta fuste topin në rrjetë. /Telegrafi/
A huge chance for Lukaku and Ziyech!#EmiratesFACup pic.twitter.com/T3BrqzOPD0
— Emirates FA Cup (@EmiratesFACup) April 17, 2022