LSDM-ja përmes një kumtese ka reaguar ndaj konferencës së Nikolla Gruevskit, i cili ngritjen e aktakuzave nga ana e PSP-së, i quajti si tentim për prishjen e OBRM-PDUKM-së dhe dëmtimin e Maqedonisë.
Nga LSDM i bëjnë thirrje Gruevskit dhe të akuzuarve tjerë nga partia e tij, të mbledhin guxim dhe të ballafaqohen me drejtësinë.
“Qytetarët kishin mundësi të dëgjojnë, shohin dhe ndjejnë qeverisjen anti-shtetërore dhe kriminale të Nikolla Gruevskit dhe OBRM-PDUKM-së, të cilët përmes krimit, korrupsionit, dhunës dhe presioneve janë pasuruar në llogari të qytetarëve të varfër”, thuhet në reagimin e LSDM-së.
Nga kjo parti thonë se interes i lartë për gjithë qytetarët mbetet kthimi i drejtësisë dhe përparimit të shtetit./Telegrafi/