Georginio Wijnaldum ka paralajmëruar se do të largohet nga Liverpooli gjatë vitit 2021.
Mesfushori holandez është futur në vitin e fundit të kontratës dhe nuk ka pranuar vazhdimin e saj.
Megjithatë ende nuk dihet nëse holandezi do të largohet nga The Reds gjatë afatit kalimtar të janarit apo në verë si transferim i lirë.
Por trajneri gjerman i Liverpoolit, Jurgen Klopp tanimë ka gjetur pasardhësin e Wijnaldum në Anfield.
Klopp ka kërkuar nga drejtuesit e klubit transferimin e mesfushorit portugez Renato Sanches i cili ka rilindur në Ligue 1 me Lillen.
23-vjeçari po kalon formë shumë të mirë në dy sezonet e fundit dhe shihet nga Klopp si zëvendësuesi adekuat për Wijnaldum.
Sipas medieve angleze Liverpool është gati të shpenzojë deri në 40 milionë euro për transferimin e portugezit në Anfield. /Telegrafi/