Talenti i madh holandez, Donyell Malen ka përfunduar në radarin e gjigantit anglez, Liverpoolit.
Malen ka befasuar me rendimentin e treguar në këtë fillim sezoni te klubi holandez, PSV Eindhoven.
20-vjeçari holandez ka shënuar nëntë gola nga 12 paraqitjet e para këtë fillim sezoni dhe ka bërë shumë klube të njohura për vete.
Sipas mediumit italian Calciomercato, Liverpooli po e monitoron me kujdes situatën e tij.
Ky medium shton se kampionët evropianë janë të interesuar të bëjnë një ofertë për Malen në vitin e ardhshëm.
Reds duan një konkurrues për Roberto Firminon në sulm dhe Malen shihet si ideali. /Telegrafi/