Liverpooli është gati t’ia paguajë Real Madridit shumën e kërkuar për transferimin e James Rodriguezit.
Los Blancos kërkojnë 60 milionë euro për shërbimet e mesfushorit kolumbian dhe sipas Don Balon, klubi anglez është i gatshëm ta paguajë atë shifër.
25-vjeçari nuk bën pjesë në planet e Zinedine Zidane, ashtu që dëshiron të largohet nga Santiago Bernabeu.
Shumë klube kanë shprehur interesim për Jamesin, ndërsa aktualisht ekipi i Jurgen Klopp thuhet se e udhëheq garën për të.
Manchester Unitedi e ka kërkuar kolumbianin qe një kohë, por duket se do ta humbë garën ndaj Liverpoolit. /Telegrafi/