Liverpooli kanë vënë në radarin e tyre si transferim të mundshëm gjatë verës sulmuesin e RB Leipzig, Timo Werner.
21-vjeçari gjerman ka nënshkruar vetëm verën e kaluar nga Shtutgarti në një marrëveshje prej tetë milionë funteve dhe ka qenë fenomenal në sezonin e tij të parë me Leipzig.
Werner i ka ndihmuar skuadrës së tij shumë duke shënuar 14 gola në rritjen e tyre dhe klasifikimin në vendin e dytë në tabelë.
Reprezentuesi i Gjermanisë ka shumë ritëm dhe ka stil të ngjashëm me atë që përdoret nga Jurgen Klopp në Liverpool, duke mundur të luajë në të dy krahët e fushës.
Agjentët për zbulimin e futbollistëve të ‘Reds’ kanë shikuar ndeshjet e Leipzigut për më shumë se një vit dhe kanë pasur interesim në mesfushorin Naby Keita dhe anësorin Emil Forsberg, megjithatë, edhe Werner ka rrëmbyer vëmendjen e tyre dhe i përshtatet profilit të lojtarit që ata duan këtë verë.
Werner është golashënuesi i katërt në Bundesliga, pas Pierre Emerick Aubameyang të Dortmund, Robert Lewandowski të Bayernit dhe Anthony Modeste të Koln, dhe Leipzig nuk do të shesë lehtë futbollistin.
Por, Liverpool thuhet se do të provoj t’ia plotësoj kërkesat trajnerit Klopp për të shtuar forcën për skuadrën e tij, me gjermanin që luan si sulmues, anësor dhe sulmues i dytë të vendosur në mesin e prioriteteve.
Çmimi i talentit gjerman besohet të jetë rreth 20 milionë euro. /Telegrafi/