Liverpool po konsideron një lëvizje për portierin e Barcelonës, holandezin Jasper Cillessen.
Portieri holandez e ka kaluar këtë sezon në Barcelona duke vepruar si zëvendësues i gjermanit Marc-Andre ter Stegen.
Kështu, sipas gazetës katalunase El Mundo Deportivo, Cillessen mund të largohet në afatin kalimtar veror.
Sipas këtij mediumi gjiganti anglez, Liverpooli është në kontakt me portierin holandez dhe mund të lëviz me hapjen e afatit kalimtar.
Megjithatë, transferimi i Cillessenit nuk do të jetë i lehtë, pasi edhe Napoli dhe Atletico Madrid janë të interesuar për shërbimet e tij.
Marrëveshja e Cillessen me klubin blaugrana mbart një klauzolë blerje prej 60 milionë eurosh, por portieri mund të largohet për një çmim më të ulët.
Të tre klubet kanë regjistruar interesimin e tyre, megjithëse ende duhet të bëjnë një lëvizje konkrete.
Barcelona do të ishte e hapur për shitjen e holandezit pasi ka nevojë për të ardhura pas shpenzimeve të mëdha sezonin e kaluar. /Telegrafi/