Liverpooli është përpjekur për të nënshkruar me Marco Asension gjatë afatit kalimtar veror.
Tri ofertat e klubit anglez ishin refuzuar nga kampionët aktual të Evropës, Real Madrid.
Por drejtuesit e The Reds nuk janë dorëzuar dhe dëshirojnë me çdo kusht të nënshkruajnë me anësorin spanjoll.
22-vjeçari nuk është i lumtur aktualisht në Madrid pasi nuk është pjesë e formacionit bazë nga Santiago Solari.
Kjo e ka mërzitur yllin spanjoll që ditë më parë deklaroi publikisht se dëshiron të jetë më i rëndësishëm te Reali.
Liverpool po monitoron me kujdes situatën e Asensios tek Los Blancos dhe po synojnë transferimin e tij.
Mediat angleze dhe ato spanjolle kanë raportuar se Jurgen Klopp e pëlqen shumë reprezentuesin spanjoll.
Për ta bindur Realin të heqë dorë nga talenti i tyre, Liverpool ka gati një ofertë prej 120 milionë euro.
Mbetet të shihet nëse Reali do ta lejoj largimin e Asensios, apo lojtari do të fillojë të luajë më shpesh nga minuta e parë. /Telegrafi/