Liverpooli gati të thyejë rekordin e klubit për të nënshkruar ish-yllin e Man Cityt si zëvendësues i Salah

Sipas një raporti të ri, Liverpooli thuhet se po synon një lëvizje të madhe në afatin kalimtar të janarit për yllin e Bayern Munich, Leroy Sane.

Sipas Daily Mirror, trajneri i Reds, Jurgen Klopp e ka identifikuar 27-vjeçarin si një zëvendësues të mundshëm të Mohamed Salah, nëse ai do të largohej për në Superligës e Arabisë Saudite.

Reds do të ishin të gatshëm të thyejnë tarifën e tyre rekorde për klubin në mënyrë që të sjellin reprezentuesin gjerman në Anfield, me Sane që ishte larguar nga Manchester City në vitin 2020.

Liverpooli refuzoi një ofertë që thuhet se ishte në rreth 200 milionë euro gjatë verës për Salah, me 31-vjeçarin që ishte i bindur për të qëndruar.

Lexo po ashtu Mohamed Salah ende po tërheq interesim nga klubet e Arabisë Saudite

Al Ittihad ndjeu se ishte tepër vonë në afatin kalimtar për të testuar vendosmërinë e Liverpoolit me një ofertë edhe më të madhe, por mund të rikthehet për egjiptianin në janar.

Salah ka ende 18 muaj të mbetur nga kontrata e tij aktuale në Anfield.

Drejtori i futbollit në Superligën Saudite, Michael Emenalo është ende i bindur se Salah do t’i shtohet grupit të madh të talenteve evropian për të bërë një lëvizje në Lindjen e Mesme.

Nga ana tjetër, Sane është shumë më i ri se Salah dhe tashmë ka arritur të njëjtin nivel suksesi në nivel klubi me Bayern Munichun.

Ish-ylli i Cityt u transferua nga Liga Premier në Gjermani tre vjet më parë për një tarifë rreth 55 milionë euro dhe ka vazhduar të bëjë përshtypje së bashku me nënshkrimin e verës, Harry Kane.

Lexo po ashtu Nga Bayerni tregojnë se a do të rinovohet kontrata e Leroy Sane

Ai ka shtatë gola në 11 ndeshje këtë sezon për skuadrën e Thomas Tuchel, përfshirë golin hapës në fitoren 4-3 të Bayernit ndaj Manchester United muajin e kaluar.

Tarifa rekord aktual i transferimeve të Liverpoolit është 85 milionë euro, pasi ata sollën Virgil Van Dijk nga Southamptoni. Por, kjo ofertë mund të thyhet edhe nga sulmuesi Darwin Nunez, i cili erdhi nga Benfica në verën e vitit 2022. /Telegrafi/