Liverpooli thuhet se është duke tentuar që të transferojë Jack Grealishin nga Aston Villa.
Mesfushori është duke shkëlqyer në këtë sezon në Ligën Premier, andaj Jurgen Klopp dëshiron që ta ketë atë në radhët e tij.
24-vjeçari jo vetëm që kërkohet nga Liverpooli, ai po pëlqehet shumë edhe nga Manchester United, City, Arsenal e Chelsea.
Grealish deri më tani në këtë sezon ka shënuar nëntë gola dhe ka bërë tetë asistime në 29 ndeshje në të gjitha garat.
Por, për t’i marrë shërbimet e tij, gjashtë herë kampioni evropian duhet të paguajë rreth 60 milionë euro.
Në anën tjetër, Unitedi është futur seriozisht në garë për të dhe i ka ofruar 150 mijë funte pagë në javë. /Telegrafi/