Liverpooli e ka filluar sezonin 2018/19 në Ligën Premier me fitore.
Reds fituan ndaj West Hamit me rezultat 4-0, duke dominuar kështu nga fillimi deri në fund në Anfield.
Goli i parë në takim u shënua nga Mohamed Salah në minutën e 19-të pas asistimit nga Andrew Robertson.
Në minutat shtesë të pjesës së parë shënoi Sadio Mane dhe me rezultatin 2-0 përfunduan 45 minutat e parë.
Mane shënoi edhe një herë në minutën e 53-të për të vulosur kështu fitoren, ndërsa pas golit të senegalezit ritmi i lojës ishte më ulët.
Në minutën e 82-të në vend të Manes u fut Xherdan Shaqiri, duke bërë kështu debutimin e tij me skuadrën e Jurgen Klopp.
Pokeri i golave u kompletua nga Daniel Sturridge në minutën e 88-të.
Në ata pak minuta që anësori nga Kosova kishte në fushë u tregua mjaft aktiv.
Ndeshja e ardhshme e Liverpoolit është ndaj Crystal Palace, kurse West Hami kundër Bournemouthit. /Telegrafi/
