Rivalët e mëdhenj të Ligës Premier, Liverpooli dhe Chelsea pritet të luftojnë mes vete atë për nënshkrimin e Robert Lewandowskit këtë verë.
Sulmuesi i Bayern Munichut është në formë të lartë edhe në këtë sezon, duke shënuar vazhdimisht dhe duke arritur edhe rekorde.
Forma e tij e lartë ka bërë që shumë klube evropiane të vihen pas tij e në veçanti ato angleze si Liverpoli dhe Chelsea.
Sipas mediumit The Mirror, Blutë kanë paksa përparësi pasi kanë bërë kontakte me këshilltarët e yllit polak.
Megjithatë, Chelsea kanë embargo për transferime dhe duhet të presin apelin për t’u dëgjuar nga Gjykata e Arbitrazhit për Sport më vonë këtë muaj.
Nëse klubi i Londrës dështon në përpjekjen e tyre për të joshur Lewandowskin për tu transferuar në Stamford Bridge, Jurgen Klopp mund të hidhet për të nënshkruar ish sulmuesin e tij, i cili pritet të kushtojë rreth 70 milionë funte. /Telegrafi/