Ish-sulmuesi i Manchester Cityt, Sergio Aguero pret që Liverpool t’i japë një luftë shumë të ashpër Real Madridit në finalen e Ligës së Kampionëve.
Argjentinasi deklaroi për Stake.com: “Unë mendoj se Real Madridi ka më shumë përvojë në përgjithësi si klub, por Liverpooli është paraqitur mirë në Ligën e Kampionëve për vitet e fundit”.
“Do të jetë afër, por unë mendoj se Madridi do të jetë më i sigurt, pasi ka luajtur finalet më parë dhe ka kthyer lojëra të vështira në të kaluarën. Ky është avantazhi që mund të tregoj”.
“Historia dhe përvoja e anojnë peshoren. Madridi e dëshmoi këtë, duke fituar ndeshjet e tyre në shtëpi me Bernabeun që është një faktor kyç. Por, finalja është në terren neutral, kështu që mund të jetë më e ekuilibruar”.
Madridi ka humbur vetëm një nga tetë finalet e tyre të fundit të Ligës së Kampionëve – ajo erdhi kundër Liverpoolit në Paris në vitin 1981.
Ata e fituan kompeticionin për herë të fundit në vitin 2018, duke mposhtur Liverpoolin e Jurgen Kloppit për të ngritur titullin e tyre të 13-të, që ishin tre tituj radhazi të Ligës së Kampionëve.
Finalja do të luhet në Paris nga ora 21:00. /Telegrafi/