Evan N’Dicka është një nga mbrojtësit qendror më të kërkuar në Evropë.
Qendërmbrojtësi francez ka shkëlqyer me Eintracht Frankfurt në pesë vitet e fundit dhe tani në verë do të mbetet lojtar i lirë.
23-vjeçari ka vendosur të largohet si i lirë dhe kjo ka bërë që shumë skuadra të mëdha të vihen pas tij.
Roma, Juventus, Milan, Inter e Napoli e duan në Itali, derisa interesim kanë shfaqur edhe Barcelona, PSG e Atletico Madrid.
Por garës i janë bashkuar edhe dy skuadrat angleze Liverpool dhe Tottenham Hotspur.
Football Insider ka raportuar se drejtuesit e dy skuadrave angleze tanimë kanë kontaktuar agjentët e lojtarit për të parë mundësinë për të nënshkruar me të.
Favoriti kryesor për t’i fituar shërbimet e francezit mbetet Roma pasi lojtari dëshiron të punoj me trajnerin Jose Mourinho.
Gjithsesi skuadrat angleze pritet së shpejti të dalin me ofertat e tyre dhe synojnë ta bindin qendërmbrojtësin francez për tu transferuar në Ligën Premier. /Telegrafi/