Liverpooli dhe Chelsea do të takohen në kuadër të javës së tretë në Ligën Premier.
Derbi që zhvillohet në Anfield Road, fillon në ora 18:30, me dy skuadrat që kërkojnë tre pikë dhe janë pretendentë për titull.
Për këtë sfidë, The Reds do të jenë pa Curtis Jones që është i lënduar, derisa në dyshime janë Fabinho dhe James Milner.
Në anën tjetër, Chelsea nuk mund të llogarisë në Christian Pulisic që është i infektuar me COVID-19.
Analizë
Liverpool
Kostas Tsimikas përformoi mirë në mungesë të Andy Robertson, mirëpo skocezi pritet të rikthehet në vendin e tij.
Fabinho mungoi edhe në fundjavën e kaluar n fitoren ndaj Brunleyt për shkak të vdekjes së babait të tij, por mund të rikthehet për ndeshjen.
Alex Oxlade-Chamberlain ishte po ashtu jashtë fushe për shkak të ditëlindjes së fëmijës së tij të parë, por sot do të jetë në ndeshje.
Diogo Jota e filloi edicionin me gol, por Roberto Firmino mund edhe ai të startojë ndaj Chelseat.
𝗜𝗧'𝗦 𝗠𝗔𝗧𝗖𝗛𝗗𝗔𝗬 🔴
We're back at Anfield. Let's do this, Reds! #LIVCHE | #WalkOn pic.twitter.com/SFFI5abFaq
— Liverpool FC (@LFC) August 28, 2021
Chelsea
Hakim Zyiech dhe N’Golo Kante, që të dy janë rikuperuar nga lëndimet dhe janë të gatshëm që të luajnë.
Christian Pulisic vazhdon të jetë i infektuar me coronavirus dhe nuk mund të luajë në këtë derbi.
Trevoh Chalobah ishte në bankën rezervë ndaj Arsenalit, mirëpo mund të ketë sot minuta për të.
Ben Chilwell mund të vazhdojë të jetë në stol, pasi Marcos Alonso po shfaq formë brilante në këtë fillim sezon.
It’s a big one today!
COME ON CHELSEA! ✊ #LIVCHE pic.twitter.com/6Tr2QtehGD
— Chelsea FC (@ChelseaFC) August 28, 2021
Statistika
Liverpooli i ka fituar shtatë takimet e tyre të fundit në Ligën Premier
Liverpooli ka shënuar së paku dy gola në shtatë takimet e tyre të fundit në Ligën Premier.
Liverpooli ka mbajtur katër herë portën e paprekur në katër takimet e fundit në Ligën Premier.
Liverpooli ka fituar të dyja pjesët në gjashtë nga shtatë takimet e fundit në Ligën Premier.
Janë shënuar nën 2.5 gola në shtatë nga tetë takimet e fundit të Liverpoolit në Ligën Premier.
Chelsea është e pamposhtur në nëntë nga 10 takimet e fundit në Ligën Premier.
Parashikimi:
Liverpooli dhe Chelsea pritet t’i ndajnë pikët nga kjo sfidë.
Formacioni i mundshëm i Liverpoolit: Alisson, Alexander-Arnold, Matip, Van Dijk, Robertson, Keita, Fabinho, Henderson, Salah, Mane, Jota.
Formacioni i mundshëm i Chelseat: Mendy, Rudiger, Christensen, Aypilicueta, James, Kante, Jorginho, Alonso, Mount, Havertzy, Lukaku. /Telegrafi/
