Lionel Messi ka munguar në seancën stërvitore të Inter Miamit këtë të martë, teksa ekipi po përgatitet për finalen e “US Open” ndaj Houston Dynamo.
Prezenca e Messit mbetet në dyshim në këtë finale pas lëndimit që pësoi në pauzën me kombëtare me Argjentinën. Ekipi u stërvit të martën por Messi nuk mori pjesë në të.
Fituesi i Kupës së Botës u pa në qendrën stërvitore duke biseduar në telefon, por jo duke u bërë gati të futet në fushë.
Update from Inter Miami training: Lionel Messi, Jordi Alba are not out there on eve of US Open Cup final. @MiamiHerald @HeraldSports @InterMiamiCF #InterMiamiCF #Messi𓃵 #MLS #USOpenCup pic.twitter.com/1VYm5UTuPp
— Michelle Kaufman (@kaufsports) September 26, 2023
Drejtuesit e klubit amerikan shpresojnë që Messi mund të luajë të paktën disa minuta në këtë ndeshje, kur dihet impakti i tij që kur u transferua në Shtetet e Bashkuara të Amerikës në afatin kalimtar veror nga PSG-ja.
Messi tashmë ka fituar një trofe me Inter Miamin dhe një triumf ndaj Houston Dynamos do ta shtonte edhe një trofe në sirtarin e klubit.
Ndeshja mes Inter Miamit dhe Houston Dynamos në kuadër të finales së “US Open” do të luhet ditën e mërkurë në stadiumin “DRV PNK”, dhe mbetet të shihet nëse Messi do të jetë ne dispozicion për këtë sfidë./Telegrafi/