Përfaqësuesja e Kosovës fitoi ndaj Maltës me rezultat 0-5 në Ligën e Kombeve.
Në këtë takim Milot Rashica shënoi një gol dhe asistoi tek dy tjerët. Anësori nga Vushtrria bëri një paraqitje të mirë, duke qenë gjithnjë aktiv në krahun e tij të sulmit dhe lexuesit e Telegrafit e vlerësuan këtë.
Në sondazhin e Telegrafit për dy orë votuan 2.4 mijë persona, ku Rashcia mori shumicën e votave. Ndërsa më poshtë keni renditjen e plotë:
Lojtari i ndeshjes me 58 për qind të votave (1.4 mijë) u zgjodh Rashica.
I dyti me më së shumti vota ishte Vedat Muriqi me 14 për qind (312 vota), i treti Benjamin Kololli me 11 për qind (261 vota).
I katërti me më së shumti vota ishte Donis Avdijaj (10 për qind, 218 vota).
Të gjithë lojtarët që kanë luajtur ishin pjesë e sondazhit, por për dallim nga të lartpërmendurit ata u votuan shumë më pak.
Gjithsesi, që një fitore e tillë të ndodhte merita është e gjithë skuadrës dhe për fitoren janë meritorë të gjithë. Vazhdojmë në ‘finalen’ e së martës ndaj Azerbajxhanit në stadiumin Fadil Vokrri në Prishtinë. /Telegrafi/
