Ylli i Bayern Munichu, Robert Lewandowski thuhet se preferon transferimin e tij te gjiganti spanjoll, Real Madridi.
Kontrata e yllit polak të Bavarezëve skadon në verën e vitit 2023 dhe disa ekipe kryesore evropiane janë lidhur me transferimin e tij.
Klubet angleze si Chelsea dhe Manchester City shiheshin si favorit për transferimin e polakut, por tani ka një skuadër tjetër në horizont.
Sipas gazetës spanjolle AS, Lewandowski e ka zemrën e tij të vendosur për t’u bashkuar me Real Madridin.
Robert Lewandowski could request a transfer from Bayern Munich next summer and has Real Madrid as his first choice even if he has to reduce his salary. https://t.co/kbECQwqd4e pic.twitter.com/l9K9fQHvnj
— AS English (@English_AS) October 16, 2021
Lewandowski thuhet se është i gatshëm të refuzojë edhe ofertat më të mëdha dhe ta ulë pagën e tij për t’u transferuar te gjigantët spanjollë.
Ndryshe, Lewa ka qenë në të kaluarën disa herë i kërkuar nga Los Blancos, por së fundmi fokusi i klubit mbretëror ka kaluar te Kylian Mbappe dhe Erling Haaland. /Telegrafi/