Lëvizja Vetëvendosje ka thirrur në interpelancë ministrin e Shëndetësisë, Armend Zemaj për mungesën e oksigjenit.
Interpelanca është thirrur në emër të Grupit Parlamentar të Lëvizjes Vetëvendosje nga deputeti Fitim Uka, transmeton Telegrafi.
“Mungesa e oksigjenit medicinal nëpër institucionet publike shëndetësore Qendrore dhe Regjionale si dhe furnizimi me oksigjen nga kompani të palicencuara e kanë shtruar urgjencën e interpelancës me Armend Zemajn, ku edhe duhet të jap llogari në Kuvend para qytetarëve të Republikës”, thuhet në njoftimin e LVV-së.
Ndryshe, qytetarët kanë raportuar se në spitalet rajonale ku po trajtohen pacientët me coronavirus ka mungesë të oksigjenit, por një gjë e tillë është mohuar nga ministri Armend Zemaj. /Telegrafi/
