Modelja Xhuli Nura dhe aktori Vedat Bajrami kanë pasur një debat të ashpër së fundmi me njëri-tjetrin në Big Brother VIP Kosova.
Ata kanë debatuar rreth deklaratave të Xhulit, e cila kishte thënë në spektakël se Vedatit duhet t’i vijë turp dhe jo të krenohet me faktin se ka qenë refugjat në kohën e luftës në Kosovë, në vend që të luftonte.
Ndërkohë Vedati nuk është duruar dhe në një moment e ka ofenduar duke i thënë “komandante e Dubait”, duke iu referuar stilit të saj të jetës.
Lidhur me këtë ofendim ka reaguar këngëtarja e njohur me origjinë nga Drenica, Leonora Jakupi.
Ajo ka publikuar një fotografi të bashkëvendases së saj në InstaStory, duke shkruar: “Ofendimet ndaj një gruaje janë të patolerueshme”.
Xhuli përndryshe ka treguar se ka një simpati shumë të veçantë për Leonorën dhe këtë e dëshmoi mbrëmjen e 17 shkurtit kur Jakupi ishte e ftuar për të interpretuar live në shtëpinë e Big Brother VIP Kosova. /Telegrafi/
