Manchester City është njëra nga skuadrat më të forta në Evropë.
Kampionët në fuqi të Anglisë vazhdimisht përforcohen me lojtarë cilësorë dhe objektivi i tyre mbetet Liga e Kampionëve.
Por trajneri Pep Guardiola është në hall me mbrojtësit e tij që po pësojnë shpesh lëndime.
John Stones, Aymeric Laporte apo Nicolas Otamendi vazhdimisht po ankohen nga lëndimet.
Kësisoj Guardiola ka urdhëruar klubin që në afatin kalimtar të janarit ta afrojnë në skuadër mbrojtësin e Interit, Milan Skriniar.
Inter e vlerëson shumë yllin e tyre, por City do të tentoj me një ofertë prej 70 milionë euro ta transferoj sllovakun.
Në rast se nuk arrihet 24-vjeçari, atëherë kampionët e Anglisë do të tentojnë blerjen e Kalidou Koulibalyt nga Napoli. /Telegrafi/