Milani ka arritur në Kosovës për ta zhvilluar miqësoren ndaj Feronikelit që fillon nga ora 20:45 në stadiumin ‘Fadil Vokrri’.
Derisa skuadra italiane është akomoduar në një hotel në Prishtinë, ikona e klubit, Daniele Massaro ka përshëndetur tifozët shqiptarë që kishin dalë në pritje.
Legjenda e Rossonerëve ka postuar një foto në llogarinë e tij në Instagram, për të treguar pritjen që u është bërë nga tifozët shqiptarë.
“Përshëndetje tifozëve te Milan Club Albania. Gjithmonë dhe kudo, forca Milan”, ka shkruar Massaro.
Ndeshjen miqësore Feronikeli – Milan do ta drejtoj gjyqtari kosovar Genc Nuza me ndihmësit Fatlum Berisha e Bujar Selimaj.
Deri më tani janë shitur mijëra bileta për këtë takim, ndërsa tifozët që nuk kanë arritur dot të sigurojnë një biletë mund ta shohin ndeshjen në RTV Dukagjini. /Telegrafi/
