Rep-artisti i njohur, Ledri Vula, së fundmi ka publikuar albumit e tij më të ri të titulluar “10/10”.
Në mesin e këngëve ka edhe bashkëpunime nga më të ndryshmet, si me Lyrical Son, MC Kresha, Singullar e Lumi B.
Edhe pse albumi ishte parashikuar të publikohej me 10 prill, Vula vendosi që ta lansojë më herët për adhuruesit e tij.
Deri më tani dy këngë të albumit janë të publikuara në YouTube të bashkangjitur edhe pamjet vizuale.
Përmes një fotografie të publikuar në rrjetin social Instagram, Ledri ka bërë të ditur se edhe një këngë tjetër do të publikohet me videoklip. Kënga titullohet 100 e që vjen në bashkëpunim me reperët Singullar dhe Lyrical Son.
“Lyrical Son dhe Singullar, 2 prill publikohet ‘100’. E kemi xhiruar në New York kur kemi qenë në koncert me Pintat. Ju premtoj se e mbaj 100 me këta djem se jemi rritur bashkë duke bërë rep”, ka shkruar Ledri në mbishkrimin e fotografisë.
Albumi i tij u lansua edhe në Spotify, AppleMusic dhe të gjitha platformat e tjera online. /Telegrafi/