Interi ka fituar me rezultat të ngushtë 2-1 në shtëpi ndaj Spalit në takimin e vlefshëm për javën e 14-të në Serie A.
Nerazzurrët kanë vazhduar formën e mirë duke marrë fitoren e pestë radhazi në Serie A, e cila i bënë tashmë lider në kampionat para Juventusit.
Pjesa e parë e ndeshjes u karakterizua me dominim total të Interit, të cilët përveç rasteve arritën t’i shënojnë edhe dy gola.
Ishte Lautaro Martinez, i cili në minutën e 16-të shënoi për 1-0 pas asistimit të Marcelo Brozovicit, ndërsa argjentinasi shënoi edhe në minutën e 41-të për 2-0 pas asistimit të Antonio Candrevas.
Në pjesën e dytë, u zhvillua lojë më e barabartë, por ishin vetëm mysafirët që shënuan edhe pse Interi pati gjithashtu shumë raste.
Goli i vetëm në këtë pjesë erdhi në minutën e 50-të dhe ishte Mattia Valoti, i cili pas një veprimi të mirë individual shënoi për 2-1.
Për Interin rastin më të mirë në këtë pjesë e pati pikërisht Martinez pas golit të Spalit, por portieri shqiptar, Etrit Berisha ia mohoi golin dhe ndeshja përfundoi me shifrat e pandryshuara.
Pas kësaj fitore, Interi e sheh veten në pozitën e parë me 37 pikë apo një më shumë se Juventusi i dyti, ndërsa Spali zë vendin e 19-të me nëntë pikë.
Në takimin e radhës, Nerazzurrët e presin e Romën, ndërsa Spali është nikoqir i Cagliarit. /Telegrafi/
Lautaro Martinez won't stop scoring, what a finish pic.twitter.com/1grO5hZmez
— ONOME (@MeetOnome) December 1, 2019
Lautaro Martínez de novo, tá voando.
Inter 2 SPAL 0#Amala#Inter#ForzaInter #NotForEveryone pic.twitter.com/WhqWukrhBt
— M. Nogueira (@Stillborn_1993) December 1, 2019
