Site icon Telegrafi

Laporta nga prezantimi i Alves: Nuk e përjashtoj mundësinë që Messi dhe Iniesta të rikthehen te Barcelona

Lavdim Pireva

Presidenti i Barcelonës, Joan Laporta e ka prezantuar Dani Alvesin para mbi 10,000 tifozëve në “Camp Nou” të mërkurën.

Laporta foli në prezantimin e brazilianit, në stadiumin ku ai bëri emër dhe e ndihmoi klubin për tituj të shumtë.

“Faleminderit që u ktheve ”, i tha Laporta fillimisht Dani Alvesit.

“Do ta bëjmë sërish, Dani. Është një ditë plot emocione që përsëriten që kur erdhët për herë të parë në Barcelonë”.

“ Alves është një njeri i vetë-krijuar , i cili ka luftuar, ka talent dhe ngulit karakterin e tij kudo që shkon”.

“Ai është lojtari me më shumë tituj në histori. Më tha se donte të kthehej dhe të ndihmonte këtë ekip që po formohet”.

“Mbaj mend që herën e parë që ka ardhur këtu më ka thënë se kur ishte i vogël ka bërë 20 km në këmbë ose vrap për të shkuar në shkollë”.

“Ai është një person që i pëlqen të konkurrojë dhe këtë ia transmeton skuadrës”, ka deklaruar Laporta.

Më pas ai ngacmoi fansat me disa lajme emocionuese, duke zbuluar se rikthimi i Andres Iniestas apo Leo Messit , apo edhe të dyve, nuk përjashtohet nga klubi.

“Nuk e përjashtoj”, ka thënë ai për kthimin e Iniestas dhe Messit.

“Kjo ka ndodhur me Danin. Dhe unë dua ta falënderoj atë sepse ai e ka parë situatën e klubit dhe dëshiron të vijë për të ndihmuar”.

“E falënderoj edhe për një përpjekje ekonomike. Ne do ta kthejmë këtë situatë, por tani ai e ka bërë këtë përpjekje, duhet vlerësuar”.

“Këta janë njerëz që e kanë bërë këtë klub të madh. Messi dhe Iniesta janë spektakolar , nuk mund ta parashikoj të ardhmen, pasi ata ende luajnë, por ata e kanë bërë klubin të madh”.

“Ne i mbajmë gjithmonë parasysh, edhe pse tani ata kanë kontrata me klubet e tjera dhe ju duhet ta respektoni këtë, por në jetë nuk e dini kurrë”, ka deklaruar Laporta. /Telegrafi/

Exit mobile version