Declan Rice ka thënë se ai është i hapur që të kalojë te Chelsea, në mënyrë që të luajë sërish me Mason Mount.
Anglezi ishte në të kaluar pjesën e akademisë së bluve, duke luajtur së bashku me bashkëkombësin e tij në grupmoshat e reja.
Anëtari i West Ham Unitedi ka thënë se ai kuptohet shumë mirë me Mount dhe do të adhuronte që sërish të luante me të.
“E kemi thënë edhe kur ishim të vegjël se duam të luajmë në të ardhmen në të njëjtin klub dhe ju asnjëherë nuk e dini çfarë mund të ju sjell e ardhmja” ka thënë Rice.
“Mason është një lojtar dhe një djalë shumë i mrekullueshëm, andaj do të dëshiroja sërish të luajmë me të”, ka shtuar më tej ai.
Por, për të transferuar Ricen në Stamford Bridge, Chelsea duhet të paguajë te rivali lokal rreth 55 milionë euro. /Telegrafi/