Emisari i Bashkimit Evropian për dialogun Kosovë-Serbi, Miroslav Lajçak, e ka takuar sot në Vjenë kryenegociatorin e Kosovës, Besnik Bislimi, me të cilin ka diskutuar për zbatimin e plotë të Marrëveshjes në rrugë drejt normalizimit.
Lajçak, në platformën sociale “X” ka shkruar se po bëhen përgatitje për takimin e ardhshëm në Bruksel mes kryenegociatorëve.
“Diskutim i mirë dhe i dobishëm me zëvendëskryeministrin Besnik Bislimi në përgatitje të takimit të ardhshëm mes kryenegociatorëve sot në Vjenë. Diskutuam në detaje për zbatimin e plotë të Marrëveshjes në rrugën drejt normalizimit”, ka shkruar Lajçak, transmeton Telegrafi.
Good and useful discussion with First DPM @BislimiBesnik in preparation of the next Chief negotiators’ meeting in Vienna today. We discussed in detail the full implementation of the Agreement on the Path to Normalisation. pic.twitter.com/PHGHHCqjIM
— Miroslav Lajčák (@MiroslavLajcak) October 10, 2024
Një ditë më parë, Bislimi ka paralajmëruar se do të ketë takim në Bruksel, por që ende s’dihet data. /Telegrafi/