Miroslav Lajçak ka qëndruar sot në kryeqytetin norvegjez, Oslo, ku ka biseduar me përfaqësuesit e Ministrisë së Punëve të Jashtme të atij vendi.
Përfaqësuesi Special i Bashkimit Evropian për dialogun Kosovë-Serbi ka pohuar se ishte mirënjohës për mbështetjen e fortë që po i jep atij shteti nordik.
Ai ka treguar se me zyrtarët e shtetit të Norvegjisë ka biseduar edhe për Ballkanin Perëndimor, transmeton Telegrafi.
“Është mirë që jam sot në Oslo! Në takimet me Sekretarin e Shtetit, Sekretarin e Përgjithshëm dhe ekipin e Ministrisë së Punëve të Jashtme për Ballkanin Perëndimor, kemi diskutuar për situatën në Ballkanin Perëndimor dhe dialogun. Unë jam mirënjohës për mbështetjen e fortë të Norvegjisë”, ka shkruar Lajçak.
Kujtojmë se sllovaku javën e kaluar është takuar me presidenten e Kosovës, Vjosa Osmanin dhe kryeministrin Albin Kurti.
Në këto takime krerët shtetëror dhe përfaqësuesi special i BE-së për dialogun ka folur për mundësitë dhe modalitetet e takimit të ardhshëm në Bruksel. /Telegrafi/
Good to be in Oslo today! In my meetings with the State Secretary, the Secretary-General and the Western Balkan team of the Foreign Ministry, we discussed the developments in the Western Balkans and the Dialogue. I’m grateful for Norway’s strong support to my work. pic.twitter.com/OMzYXWvQOv
— Miroslav Lajčák (@MiroslavLajcak) December 1, 2021