Emisari Special i BE-së për dialogun mes Kosovës dhe Serbisë, Miroslav Lajçak, është takuar me kryenegociatorin e Serbisë, Petar Petkoviq, për të diskutuar çështje të rëndësishme që prekin bisedimet direkte.
Gjatë takimit, siç ka thënë Lajçak, ata janë përfshirë në “një diskutim të thellë” dhe kanë trajtuar “një gamë të gjerë çështjesh pragmatike që lidhen me dialogun.”
Lajçak në rrjetin social “X”, tha se janë adresuar disa çështje specifike që janë aktualisht në agjendën e dialogut.
Ai paralajmëroi një takim midis dy kryenegociatorëve, Besnik Bislimi nga Kosova dhe Petar Petkoviq nga Serbia, i cili sipas tij mund të ndodhë së shpejti në Bruksel, për të vazhduar me negociatat.
Ndërkohë në Beograd, Presidenti i Serbisë, Aleksandar Vuçiq, ka zhvilluar një takim me Lajçak.
Vuçiq ka bërë të ditur se në fokus të kësaj takimi kanë qenë çështje kritike si formimi i Asociacionit të Komunave Serbe dhe organizimi i zgjedhjeve lokale në veriun e Kosovës.
Në një postim në rrjetin social “Instagram,” Vuçiq theksoi se ka kërkuar nga BE-ja “të mbështetë formimin e Asociacionit” dhe të ndihmojë në “zbatimin e zgjedhjeve lokale në mënyrë urgjente në veri”, duke i bërë thirrje BE-së gjithashtu që të ndalojë “provokimet e mëtejshme që vijnë nga ana e Prishtinës”./Telegrafi/
Had an in-depth discussion with Serbia’s Chief negotiator @PetkovicPetar about a range of concrete Dialogue files. We also spoke about the prospects for a next Chief negotiators meeting in Brussels. pic.twitter.com/Efk95kV2NU
— Miroslav Lajčák (@MiroslavLajcak) January 29, 2024