I dërguari i Bashkimit Evropian, Miroslav Lajçak për të cilin një ditë më parë kryeministri Albin Kurti pati kritika të ashpra për qasjen në dialogun Kosovë-Serbi ka takuar mbrëmë një darkë pune këshilltarin e lartë amerikan, Derek Chollet dhe të dërguarin e SHBA-së për dialogun, Gabriel Escobar.
Lajçak në një postim në Twitter shkruan se ndajnë të njëjtin mendim rreth situatës në Ballkanin Perëndimor.
“Kishim darkë mes miqsh të mirë në Nju Jork me Derek Chollet dhe Gabriel Escobar. Gjithmonë është e dobishme të rikonfirmojmë se ne ndajmë të njëjtin mendim rreth situatës në Ballkanin Perëndimor dhe jemi në të njëjtën linjë në lidhje me rrugën përpara…”, shkruan Lajçak. /Telegrafi/
Had dinner among good friends in New York with @CounselorDOS Derek Chollet and DAS Escobar. Always useful to reconfirm that we share the same reading of the situation in the Western Balkans and are on the same line regarding the way forward. pic.twitter.com/6xmlc6ACG0
— Miroslav Lajčák (@MiroslavLajcak) September 19, 2023