Këngëtari i mirënjohur, Labinot Tahiri ditë më herët ka bërë të ditur se do të organizojë “Darkën e Gurbetqarëve” duke shtruar ushqim në mikpritje të mërgimtarëve.
Pas kësaj deklarate, Tahiri u komentua shumë nga fansat e tij. Këngëtari nga Ferizaji ka postuar edhe një video në llogarinë e tij në Facebook duke sqaruar se pavarësisht mbështetjes që do të mërrë për këtë darkë, do ta realizojë.
“Djali im është duke xhiruar me telefon, por pavarësisht se a do të jem unë aty apo jo, e ka amanetin ky edhe shokët e mi dhe të gjithë ata që kanë ngrënë e kanë blerë bagëti me pare të gurbetqarëve për të realizuar me 20 korrik”, ka thënë tha Labi, njofton Klan Kosova.
“Zoti një ditë ta jep pasurinë ta kesh në dorë por kurrë nuk ta jep vullnetin nëse nuk e ke njerëzinë. Do të shuhet pasuria ime dhe pasuria jote nëse nuk ke respekt dhe vullnet. Respekti dhe vullneti nuk blihen me para”, ka deklaruar këngëtari i shumë hiteve.
Tahiri ka bërë të ditur se ai është i mbështetur nga kryetari i qytetit të Ferizajit, Muharrem Svarça.
“Unë nuk do ta anuloj, do ta mbaj me shumë krenari edhe po të kushtojë kumedit se sa. Do të punoj tërë verën dhe do ta mbaj atë darkë. Edhe nëse nuk jam i gjallë unë, do ta mbajë djali im ose nëna ime që ka me gatu pite”, ka theksuar Labi.
