Kylie Jenner mund të ketë marrë pjesë në “Met Gala 2022” pa dashurinë e saj, Travis Scott , por ajo gjithsesi solli atmosferë nusërie në natën e madhe.
Dhe ndërsa ndante disa foto nga prapaskenat në Instagram të martën, manjatja e bukurisë zbuloi arsyen e fustanit të nusërisë Off-White që zgjodhi për tapetin e kuq. Ai ishte menduar si një nderim për themeluesin e markës, Virgil Abloh, i cili vdiq në nëntor 2021 në moshën 41 vjeçare.
“Unë dhe Virgil duhej të shkonim në Met së bashku përpara se të shtyhej në vitin 2020”, shkroi 24-vjeçarja në mbishkrimin e saj.
“Të festoj sonte V dhe trashëgiminë e tij të pabesueshme do të thotë vërtet bota për mua. Unë jam e përulur të vesh këtë fustan dhe të nderoj shokun time të bukur të talentuar. Ne të ndjemë sonte Virgil dhe të duam përgjithmonë. Faleminderit të gjithë ekipit Off White”.
Fustani i yllit të realitetit 24-vjeçar përfshinte një fund dramatik dhe një bust të veshur sipër një bluze rrjetë me logon Off-White. Jenner ishte e pajisur me një vello të ngjitur në një kapelë bejsbolli mbrapsht.
Një pamje e ngjashme mbylli shfaqjen e vjeshtës 2022 të markës – koleksioni përfundimtar i Abloh. /Telegrafi/
