Kylie Jenner bëri paraqitjen e saj të parë publike pas humbjes së dhimbshme të parukierit të saj të dashur, Jesús Guerrero, duke u shfaqur në Oscars 2025 përkrah të dashurit të saj, Timothée Chalamet.
Mogulia e grimit tërhoqi vëmendjen me një fustan të zi, minimal dhe elegant, ndërsa shfaqte shkëlqim natyral pranë Chalamet, i cili është i nominuar për çmimin Aktori më i Mirë për rolin e Bob Dylan në filmin A Complete Unknown.
Megjithëse e shmangu tapetin e kuq, duke lënë Timothée të parakalonte me nënën e tij, Kylie e kompensoi mungesën duke qëndruar pranë të dashurit të saj brenda ceremonisë, teksa ata shoqëroheshin para se të uleshin në vendet e tyre, shkruan DailyMail.
Çifti nuk e fshehu dashurinë e tyre, duke ndarë disa puthje të ëmbla gjatë mbrëmjes.
Edicioni i 97-të i Academy Awards po nderon filmat më të mirë të vitit 2024, me një ceremoni plot yje që po mbahet në Teatrin Dolby në Hollywood.
Për herë të parë, Conan O’Brien, 61 vjeç, është nikoqiri i Oscars, duke bërë shaka: “Pranova ta prezantoj vetëm që të më ftonin.”
Kjo ceremoni ka një fushë të pazakontë konkurrence në shumë kategori të rëndësishme, përfshirë filmin më të mirë dhe shumicën e çmimeve të aktrimit. /Telegrafi/
