Furra “Vëllezërit Çoçaj”, në një postim në rrjetin social Facebook, kanë njoftuar se në aksidentin tragjik në Gjilan, i cili ka ndodhur sot, ka humbur jetën pronari i saj, Qerim Çoçaj.
“Njoftojmë të gjithë qytetarët dhe të afërmit tanë që sot nga një aksident tragjik ndërroi jetë Qerim Çocaj, pronari i furrës Vëllezërit Çoçaj, në Gjilan… Krenar gjithë jetën …. Ishe dhe do të mbetesh shembull për të gjithë…”, thuhet në njoftimin.
Ndryshe, sot ka ndodhur një aksident zinxhiror në qendër të qytetit të Gjilanit, ku një person ka ndërruar jetë dhe 16 të tjerë kanë marr lëndime të rënda dhe të lehta trupore. /Telegrafi/
