Dua Lipa ka mbajtur një koncert të jashtëzakonshëm mbrëmë në Prishtinë.
Para 18 mijë fansave, sipas këngëtares shqiptare, në një moment së bashku me këngëtaren shqiptare ka kënduar edhe i ati i saj, Dukagjin Lipa.
Ky i fundit është edhe këngëtar i rok bendit, ODA, ndërsa së bashku me Duan kanë kënduar këngën “Beso në Diell”, transmeton Telegrafi.
Me këtë rast, këngëtarja ka pohuar se ishte një natë e paharrueshme dhe këtë moment do ta kujtoj tërë jetën.
“Yje aq larg sa mund të shihni. Duke kënduar këngën e babait tim i kërkova që të më bashkohet në skenë! Me të vërtetë një natë e paharrueshme! Një mbrëmje për ta kujtuar gjatë gjithë jetës sime! Të dua @dukagjinlipa, të falënderoj për gjithçka që ke bërë për mua. Beso në diell”, ka shkruar ndër të tjerash në llogarinë personale në Instagram, Dua. /Telegrafi/