Trajneri i Barcelonës, Luis Enrique, është shprehur i kënaqur që ka në skuadër treshen e frikshme sulmuese – Lionel Messi, Luis Suarez dhe Neymar.
MSN realizoi tre golat e fitores në ndeshjen kthyese të të tetës së finales të Ligës së Kampionëve ndaj Arsenalit.
Katalunasit fituan me rezultat 3-1 në Camp Nou dhe në çerekfinale shkojnë me rezultat të përgjithshëm prej 5-1 (pas fitores prej 0-2 në Emirates).
“Jemi të lumtur që kemi Messin, Suarezin dhe Neymarin si sulmues”.
“Madhështia e tyre është se ata kanë të njëjtin qëllim: duhet të sulmojmë dhe të mbrohemi në të njëjtin nivel”, ka deklaruar Enrique.